ONE NIGHT ENCOUNTER 17
Halos kalahating oras din kaming palakad-lakad ni Anastasia habang tinitignan ang lahat ng mga nakadisplay sa loob. May ibang mga bumabati sa kanya at na ngangamusta ngunit hindi din nagtatagal ay nagpapaalam na siya sa mga ito. Ngayon, heto kaming dalawa nakaupo sa isang gilid kung saan ay malimit na daanan ng mga tao habang hinihintay ang dalawang lalaki na makarating sa aming pwesto.
Sa sandal na magkasama kaming dalawa ay nakilala ko siya kahit papaano. Naging masaklap din ang kanyang buhay na itinahak at kung ikukumpara sa akin ay mas mahirap pa ang kanyang pinagdaanan pero ngayon ay masaya na siya sa kanyang buhay. At hinihintay na lamang ang paglabas ng kanyang anak.
“May gusto ka bang kainin?” tanong ko sa kanya ng mapansin na nag-uumpisa ng magserve ng p
