ONE NIGHT ENCOUNTER 38
Hindi ako mapakali sa aking kinatatayuan sa sobrang kaba na aking nararamdaman. Ito na ang araw kung kelan kami magkikita-kita kasama ng kanyang mga magulang, hindi ako kinakabahan sa posibleng sasabihin ng mga magulang ni Eros. Sigurado naman na susupportahan nila ang naging desisyon namin pero ang aking mga magulang—sila ang malaking bagay na aking kinababahala.
Hindi ko alam kung ano ba ang plano nila sa araw na ‘to o kung ano ang gusto nila mangyari sa pag-uusap. Matapos kasi kumain kaninang umagahan ay hindi na din nila ‘ko pinayagan pa na lumabas at kinulong na lamang sa aking kwarto, hindi din sila umiimik sa tuwing tinatanong ko kung sino nagsabi sa kanila patungkol sa bagay na ‘to.
Iilan lang naman kaming nakakaalam patungkol sa sitwasyon ko, impossible n
