"YOU can't believe this, Pauline. Tingnan mo o tingnan mo kung sino ang nakita kong kasama ng magaling na babaeng 'yon!"
Galit na inabot ni Marissa ang cellphone niya kay Pauline. Laman ito ng mga larawan ng kuha niya kay Farrah na walang ibang kasama kundi si Rio at hindi lang 'yon, hawak-hawak pa nito ang likod ng lalaki.
Walang imik si Pauline. Bagamat halata sa mukha nito ang hindi maipaliwanag na emosyon sigurado siyang nabigla ito sa mga bagay na pinakita niya rito.
"Akala mo sino'ng malinis na tao! Naniniwala ka na ba ha, Pau?" muling untag niya sa kapatid ni Paulo.
Nanatili ito walang imik. Wala man lang siyang nabasang emosyon mula rito kahit na sabihin pang ang ex nito ang kasama ni Farrah.
"Ano, Pauline? Wala ka man lang bang sasabihin? Si Rio 'yan oh, si Rio? Balewala lang
