[ IKAKASAL ]
TULAD nga ng sinabi ni Farrah kay Rio, dinala niya ito sa may kainan na malapit lang sa kung saan ang shop nila.
Madalas silang nandoon, lalo na kapag walang dalang pagkain ang mga kaibigan niya, masarap naman talaga r'on. Isa iyong tapsinan na madalas mga office worker ang mga parokyano.
"Bakit naman nagbago ang isip mo?" tanong sa kaniya ni Rio, nang makaupo na silang dalawa.
Bakit nga ba nagbago ang isip niya? Siguro dahil nagugutom din siya, aniya ng utak niya.
"Maganda rito ha, tahimik mukhang malinis," sabi ni Rio.
Inikot niya ang tingin sa paligid. Sang-ayon siya sa sinabi nito sa kaniya.
"Ano gusto mo? Gusto mo ba mag-rice?" tanong niya.
"No! Drinks na lang gusto ko lang talaga ng may kasama," sabi sa kaniya ni Rio.
"Pinaglalaruan mo lang yata ako e," sabi n
