Kumain ang tatlo sa malapit na kainan ng pinag-meeting-an. Hindi muna sila bumalik sa Cordial College dahil si Mr. La Von naman na ang nag-aasikaso sa pag-absent ni Doctor Azazel at Kai sa klase nila. Habang kumakain, naalala ni Kai ang kinuwento sa kanya ni Doctor Azazel tungkol sa kabataan nila ni Pool.
"Nga po pala, Mr. Pool." Kuha ni Kai ng kanin para mailagay sa plato niya.
"Mhm?" Nguya ni Mr. Pool ng pagkain, kaya hindi siya nakapagsalita ng kung ano.
"Na-ikuwento po kasi sa akin ni Doctor Azazel kung paano ang pagkakaibigan niyo dati," banggit ni Kai bago siya sumubo ng pagkain.
Napatigil naman si Doctor Azazel sa pagsubo ng marinig niya ang sinabi ni Kai. Nanlaki rin ang mata ni Doctor Azazel sa narinig niya at dahan-dahang tumingin kay Kai na parang natatakot hanggang sa mari
