NANG makita ni Georgette ang oras na alas singko y medya na sa wall clock ay tumayo na siya mula sa pagkakaupo niya sa sofa. Isang oras na lang kasi ay darating na ang asawa galing sa trabaho. At gusto niya kapag dumating ito ay nakahanda na ang dinner nila para magpapahinga lang ito at kakain na sila.
Akmang ibababa niya si Baby Liam mula sa pagkakabuhat niya ng magising ito at nag-umpisang umiyak.
"Sshh... tahan na anak. Dito lang si Mama," wika niya habang sinasayaw ito. Tumigil naman ito sa pag-iyak pero na nanatiling mulat ang mga mata nito.
Sumulyap si Georgette kay Georgina na abala sa panunuod nito ng TV. "Georgina... anak." Tawag niya dito.
Sumulyap naman ito sa kanya. "Po?"
"Halika nga sandali," tawag niya dito. Tumayo naman ito at lumapit sa kanya.
"Bakit po, Mama?" M
