"UUWI na po ba ngayon si Papa, Mama?” tanong ni Georgina kay Georgette habang nakaupo sila sa sofa sa may sala at sinusuklayan niya ang buhok nito.
"Sa susunod pa na araw uuwi ang Papa mo anak.” sagot naman niya kay Georgina habang patuloy niyang sinusuklayan ang buhok nito. Tumawag kasi ang asawa kagabi at sinabi nga sa kanya na sa susunod na araw ay makakauwi na ito. Malapit na din kasi nitong matapos ang inaasikaso nito sa kompanya.
“Miss na miss ko na po kasi si Papa, eh. " wika ni Georgina." Gusto ko na po siya yakapin, " dagdag pa na wika nito.
"Huwag kang mag-alala anak. Malapit nang umuwi ang Papa mo. Mayayakap mo na siya." Sabi naman niya dito.
“Ikaw po, Mama. Miss mo na rin si Papa?” mayamaya ay tanong ng anak sa kanya. Bahagya pa siya nitong binalingan sa likod.
“Oo n
