YUMUKO si Georgette para tingnan si Baby Liam mula sa bisig niya. Sumilay ang ngiti sa kanyang labi nang makitang mahimbing na itong natutulog sa kanyang bisig. Para ding may kamay na humaplos sa puso niya habang nakatitig siya kay Liam. Nag-uumapaw kasi ang saya sa puso niya.
Tumingin naman siya kay Light na katabi niyang nakaupo sa sofa. "Hmm... Light dalhin ko lang si Liam sa nursery room," sabi niya dito. Para mas comfortable ang anak sa pagtulog nito.
Tumango naman ito sa kanya bilang sagot. Inalalayan pa siya nito sa pagtayo.
Ang sweet talaga ng asawa niya, naisip niya. Naglakad naman siya patungo sa nursery room nang anak. Pagkatapos ay maingat niyang ibinaba ito sa crib nito.
Nang makitang maayos at mahimbing pa din sa pagkakatulog ang anak ay lumabas na siya ng nursery roo
