CHAPTER 30
Pinandilatan ko ng mata si Arc sa ginawa niya ngunit seryoso lamang ang mga titig niya. Bahagya rin akong umtras at pasimpleng tinanggal ang pagkaka-akbay niya sa ‘kin. Masyado na kasing malagkit ang tingin ni Sabrina sa ‘min.
“Magkaibigan lang talaga kami,” muli kong sabi pero si Sabrina ay hindi na matigil ang pag-ngiti.
“Oh, well sabi mo, eh.” Nagkibit siya ng balikat. “Anyways, may pupuntahan akong party mamaya. House party lang naman, sumama ka sa ‘kin, Hana.” Bumaba ang tingin ko sa kamay ni Sabrina na nakahawak na sa ‘king braso. Agad akong umiling sa kanya.
“Naku, huwag na! Hindi naman ako sanay sa mga ganyan,” ani ko sa kanya. Nahagip ng tingin ko ang pagkuyom ng panga ni Arc.
“Sige na please? Wala kasi akong kasama, eh. Saka isa pa, kaibigan ko naman ang host n
