Chapter 72
Kasalukuyan na nag-aayos ng gamit si Gianna nang pumasok si Summer. May dala itong pagkain at kagagaling lang nito sa labas. Nakasuot ito nang jogging outfit at pawis na pawis. Ngumiti ang dalaga sa kanya.
“Hey, saan ka pupunta?” bungad nitong tanong sa kanya.
Bumuntong hininga si Gianna. “I need to go home. May kailangan lang ako sa bahay,” sagot niya sa kaibigan. “Ikaw ba? Bakasyon naman natin,” kaswal niyang sabi sa dalaga.
Napanguso ito. “I don’t know,” nagdadalawang-isip nitong sagot sa kanya. “Hindi ko alam kung uuwi ba ako o dito na lang. Tinatamad ako, eh,” reklamo pa nito.
“Tsk. Ikaw bahala,” walang ganang saad ni Gianna. Ipinagpatuloy niya ang ginagawa. Pagkatapos ay kaagad siyang tumayo. “Aalis na ako,” paalam niya sa kaibigan.
“Mmm. Mag-ingat ka. Ikaw lan
