Chapter 60
Kalalabas lang ng dalagang si Summer mula sa comfort room nang makarinig siya nang pagbukas ng bintana. Mabilis siyang lumingon. “Sh*t! Nakakagulat ka!” malakas na sigaw niya nang makita si Gianna. “Bakit ka sa bintana dumaan? Sino ang kasama mo?” sunod-sunod na tanong ng dalaga kay Gianna. Kumaway kay Summer ang binatang si Silvanus.
Nakahawak sa dibdib si Summer. “Muntik na akong atakihin sa puso dahil sa ’yo!” singhal niya pa.
Napabungisngis si Gianna. “Sorry naman. Si Sil, kasi, ninakaw ako kanina,” sagot ni Gianna.
Napangiwi si Summer bago kumaway sa binatang paalis na rin. “Talaga ba? Tuwang-tuwa ka naman!” kantiyaw ni Summer kay Gianna.
“Syempre! Ikaw ba naman ipasyal,” pagyayabang ni Gianna. Kahit ang totoo, sa cabin lang naman siya dinala ng binata.
“Taray! Edi
