Chapter 59
Mabilis na umuwi si Gianna. Hindi natuloy ang pagpunta niya sa binata dahil binabagabag siya ng mga isipin na sumagi sa kanyang isipan. Sa susunod na lamang niya kakausapin ang binata tungkol kay Claud.
Nagtaka pa sa kanya ang kaibigang si Summer dahil nakabalik siya kaagad.
Kunot-noo siya nitong tiningnan. “Ano ba naman 'yan! Kalalabas mo lang! Bakit ba ang bilis ninyong mag-usap? Pwede bang patagalin n’yo naman! Nakakaurat kang kasama rito,” reklamo nito sa kanya.
Binatukan ni Gianna ang dalaga. “Tumigil ka. May gagawin lang ako kaya ako bumalik. Hindi pa kami nag-usap, okay? Sadyang may iniisip lang ako at mas importante ito kaysa sa pag-uusap namin,” mabilis niyang sagot.
Nanlaki ang mga mata ng kaharap. “What?” hindi makapaniwala nitong tanong. “Talaga ba na mas i
