Chapter 35
Gabing-gabi na nang makauwi si Gianna. Inihatid siya ni Silvanus sa gate ng Luna building bago naglakad pauwi ang binata sa Artemis Building. Hindi na makapaghintay si Gianna na magkuwento sa kaibigang si Summer ngunit naalala niyang hindi pala pumasok ang dalaga kaya bigla siyang nag-alala.
Nagmadali siya sa pagpasok sa kanilang silid. Nakapatay ang ilaw at walang tao sa loob. Binuksan niya ang ilaw at kaagad na kumalat ang liwanag sa kabuuan ng kanilang kuwarto.
“What the h*ll! Hindi pa rin siya umuuwi? My goodness! Saan ba nagpupunta ang babaeng ’yon?” pasinghal niyang tanong sa sarili dahil sa pag-aalala.
Kaagad niyang hinagilap ang kanyang cellphone at timawagan ang numero ng dalaga ngunit hindi niya ito makontak. “What the h*ck! Hindi niya ako sinasagot, ah!” naiinis
