Kabanata 62
S U N N Y
Halos hindi ako nakatulog ng gabing iyon. Pagbalik-balik sa isip ko ang mga sinabi niya at hindi ko alam kung paano ko iyon paniniwalaan o tatanggapin. Sobrang hirap lang paniwalaan ang isang bagay na napaka-imposibleng mangyari.
Gusto niya ako? Gusto ako ng taong matagal ko ng pinangarap mula sa malayo? Gusto ako ni Alistair Coulter? Paano? Paano niya ako nagustuhan? Ano bang meron sa akin? Hindi ko talaga alam.
Napa-iling-iling ako. Sumasakit ang ulo ko sa pag-iisip.
"May problema ba?" halos mapatalon ako sa gulat nang magsalita si Silver. Nakalimutan ko bigla na kasama ko nga pala siya ngayon.
Maaga niya akong sinundo sa gaming house para makakain pa kami sa labas bago ang laban namin. Hindi ko naman siya halos mapagtuunan ng pansin dahil tulala ako at iniis
