Kabanata 61
S U N N Y
Sa gulat ay hindi agad ako nakakilos. Nanlaki ang mga mata ko nang mapagtanto ang ayos naming dalawa. Nakakandong lang naman ako sa kanya. Sinubukan kong umahon pero agad na pumalupot ang isang bisig niya sa baywang ko upang pigilan ako. Mas lalong nanlaki ang mga mata ko sa inakto niya, bumilis ang kabog ng puso ko at pakiramdam ko sobrang pula na din ng mukha ko sa mga oras na ito.
Hindi makapaniwalang tiningnan ko siya. Igting ang kanyang panga at mariing nakatikom ang kanyang mga labi. Para akong mauubusan ng hininga sa bilis ng pintig ng puso ko. Hindi naman ako uminom ng kape pero pakiramdam ko nag pa-palpitate ako sa mga oras na ito.
Sa buong buhay ko ngayon ko lang naranasan kumandong sa binti ng isang lalaki. Wala pa naman kasi akong nagiging boyfriend pa
