Kabanata 67
S U N N Y
“Alam mo kung ayaw mo akong pakinggan bahala ka na. Wala naman akong magagawa para mapaniwala ka, di ba? Kasi pinapaniwalaan mo lang kung ano ang gusto mong paniwalaan. Pareho kayong dalawa ni Silver. Wala kayong tiwala sa akin,” matabang na sambit ko at balak ng umalis muli ngunit muli siyang nagsalita.
“Hindi sa walang tiwala sa’yo at huwag mo nga akong hinahalintulad sa kaibigan mo. Hindi kami magkapareho. Kung ako ang nasa tabi mo, hinding-hindi mo papasukin itong gulong pinasok mo. Hindi ako papayag.”
Hindi makapaniwalang tiningnan ko siya. Ang kapal talaga ng mukha ng lalaking ito. Hindi ako makapaniwalang ganito siya mag-isip. Ano bang pakialam niya sa kung ano ang gusto kong gawin sa buhay ko.
“At sino ka sa tingin mo para diktahan ako sa kung ano ang dap
