Kabanata 47
S U N N Y
"Hindi ka pwedeng mag stay dito, Cin. Ilang beses ko na bang sinabi sa'yong hindi pwede ang babae dito. Pwede kang bumisita pero hindi ako papayag na tumira ka dito kahit saglit na panahon pa 'yan."
Sa sunod na araw, pababa ako nang maulinigan ko ang pag-uusap ni coach at ng kapatid niya. Bigla tuloy akong nag-alilangang bumaba kaya bumalik na lang ulit ako sa kwarto namin ni Alistair. Wala na siya sa kama niya nang bumalik ako. Kanina bago ako lumabas ng kwarto ay naabutan ko pa siyang natutulog doon kaya naisip kong baka nagbanyo lang.
Naupo na lang ako sa kama ko at kinalikot ang phone ko. Muli kong tiningnan kung may message ba akong natanggap mula sa kalaro kong si Ace ngunit wala pa din. Nakakapagtaka naman yata ito. Ano kayang nangyari sa isang iyon? Sinubu
