"Tao po! Tao po! Yohoo—"
Natigilan bigla si Damian nang pagpasok niya ng pinto kami ni Demir ang bumungad sa kanya rito sa salas at naabutan niya kami na sobrang lapit ng mukha sa isa't isa.
Napaawang na lang ang bibig niya sa gulat sa nadatnan kaya agad akong dumistansya mula kay Demir at masama ang tinging iginawad sa kanya ng pinsan niya.
"O... My... Did you guys—"
Hindi pa nabubuo ni Damian ang salitang sasabihin nang mabilis na nakalapit sa kanya si Demir at sinapak siya sa mukha kaya bigla akong napatili!
"DEMIR!!" sigaw ko sa pangalan ng nanuntok! Bakit niya sinapak?! Para saan iyon??
Napasubsob si Damian sa sahig at naglabasan bigla sina Lolo't Lola at si Rex na karga si Dylan. Sinabihan kong pumasok sila sa loob at nakikita ng bata! Agad naman akong sinunod ng kapatid ko.
"
