#LivingWithYou
CHAPTER 47
Nasa dining area sila Celine at Henry. Magkaharap silang nakaupo sa dining table. Nakahain sa mesa ang ibang mga pagkain at hinihintay na lamang ang pagdating ng kanin na kinuha naman ni Bryan mula sa kusina.
“Sigurado ka bang ayaw mong matulog dito? May isang kwarto pa namang available para sayo,” Sabi ni Celine sa nakababatang kapatid.
Napangiti si Henry.
“Hindi na ate. Sa hotel na lang muna ako tutuloy. Madaling araw din ako aalis pabalik ng Cebu dahil may klase pa ako kinabukasan,” sabi ni Henry. Sa Cebu ito ngayon nag-aaral at kasalukuyang nasa huling taon na sa kolehiyo.
Napangiti naman ng tipid si Celine. Nakakaramdam din ito ng hiya kay Henry.
“Pasensya ka na kay Eros sa hindi magandang pakikitungo niya sayo,” sabi nito. N
