#LivingWithYou
CHAPTER 57
Nagising si Eros mula sa malalim na pagkakatulog. Dahan-dahan niyang iminulat ang kanyang mga mata pero muli ring napapikit dahil sa pagtama ng liwanag rito. Kinusot-kusot na muna niya ito bago muling dumilat.
Naniningkit ang kanyang mga mata na tumitig sa kisame. Napahilot rin siya sa kanyang sentido dahil sa naramdamang p*******t dito.
“Ang sakit ng ulo ko,” reklamo ni Eros sa sarili.
Habang hinihilot ang sentido ay dumaloy sa kanyang alaala ang mga nangyari kagabi. Napabuntong-hininga tuloy siya.
“Sinungaling pala sila. Akala ko makakalimot ako kahit sandali kapag nakainom pero hindi naman nangyari,” naiinis na sabi ni Eros.
Tinigil ni Eros ang paghilot sa sentido at dahan-dahang bumangon at umupo sa kama. Napabuntong-hininga
