#LivingWithYou
CHAPTER 52
Magkasama ngayon sila Bryan at Yumi. Naisipan nilang mamasyal sa mall. Sabay na naglalakad habang patingin-tingin sa paligid.
“Bukas na pala ang midterm natin kaya goodluck sa atin,” sabi ni Bryan nang tingnan nito si Yumi.
Napatingin naman si Yumi kay Bryan. Napangiti ito ng tipid saka tumango-tango.
“Bakit ganyan ang mukha mo?” tanong ni Bryan. Malungkot kasi ito.
“Alam mo na kung bakit,” sabi ni Yumi saka ngumuso ito.
Napangiti ng tipid si Bryan.
“Okay na di ba? Nasa Davao ka man pero ‘yung komunikasyon natin ay hindi mapuputol.”
“Alam ko naman iyon kaya lang hindi ko lang din maiwasang malungkot. Bukod sa mapapalayo na ako sayo, panibago na namang adjustment ang gagawin ko sa oras na tumira na kami doon ni Tita,”
