#LivingWithYou
CHAPTER 102
Nakauwi na sa bahay sila Bryan at Tita Celine. Sinara ni Bryan ang pintuan.
“Bryan, magluluto lang ako ng hapunan natin. Magpahinga ka na muna at tatawagin ko na lang kayo ni Eros mamaya kapag nakahanda na,” sabi ni Tita Celine.
Tumingin si Bryan kay Tita Celine. Napangiti ito ng tipid saka tumango-tango.
Napangiti naman si Tita Celine.
“Sige at pupunta lang ako sa kusina,” pagpapaalam nito.
Tatalikod na sana si Tita Celine at maglalakad na papuntang kusina...
“Tita,” pagtawag ni Bryan.
Muling napatingin si Tita Celine kay Bryan.
“Bakit?” nagtatakang tanong nito.
Sumilay ang tipid na ngiti sa labi ni Bryan.
“Maraming salamat po,” sabi nito. Napabuntong-hininga. “Pasensya na rin po sa abala,” dugtong pa
