#LivingWithYou
CHAPTER 90
Mataas na ang sikat ng buwan mula sa madilim na kalangitan sa labas. Tumatagos ang liwanag nito sa bintana papunta sa loob ng bahay kung saan nasisinagan sila Kenneth, Gab. Marco, Bryan at Eros na isang hilerang nakahiga na sa sala.
Tulog na tulog na si Kenneth, naririnig na nga ang hilik nito. Gayundin sila Marco at Gab na hindi namamalayang yumayakap pa sa isa’t-isa. Malikod matulog si Marco at tulog mantika naman si Gab kaya wala lang dito ang kalikutan ng kaibigan.
Gising pa sila Bryan at Eros na parehong nakatitig sa kisame. Magkahawak ang kanilang mga kamay na nasa pagitan nila.
“Gusto mo ba lumabas muna tayo?” bulong na tanong ni Eros kay Bryan.
Napatingin si Bryan kay Eros. Pareho silang hindi makatulog ngayon dahil na rin sa
