"Oh, my gosh! Bakla! Buntis ka nga!" halos magkasabay na sigaw ng dalawa, saka pa sila nagtatatalon-talon sa kinatatayuan nila.
Sa kadahilanan pang hawak nila ang magkabilaan kong kamay ay nadadala ako sa ginagawa nila, ganoon pa man ay nananatili akong tuod na animo'y naestatwa at hindi na gumagalaw sa kinatatayuan ko.
"Congrats, sis. Tunay ka ngang babae, may matres ka!" dugtong ni Elsa na hindi matapos-tapos sa kaniyang kagalakan.
"Congratulations! At dahil diyan, ten thousand!" sigaw naman ni Jinky, kulang na lang ay mabasag ang eardrums ko sa tinis ng boses nito. "Bigyan din ng jacket 'yan!"
Sa kabaliwan nila ay kusang umalpas ang ngiti sa labi ko. Bakit ba ako napasama sa dalawang ito? Iyong tipong dati ay masasabi ko ng baliw na ako, pero ngayon ay mas lumala dahil sa kanilang d
