Maagap kong nilingon si Melvin dahilan para mabitawan niya ako, kunot ang noo ko habang maang siyang pinagmamasdan. Sa narinig ay para lang akong sumasagot ng special quiz na hindi ko masagot-sagutan.
"You're afraid of what?" mahinang sambit ko dala nang pagkalito dahil hindi ko mawari kung para saan itong kabang nararamdaman ko.
Iyong tipong wala pa namang sinasabi si Melvin ay nauna na akong matakot sa hindi ko malamang rason. Damang-dama ko ang malakas na pagtibok ng puso ko, animo'y ano mang oras ay kakawala na 'yon sa dibdib ko.
Naging mailap din sa akin ang hangin na nahihirapan akong huminga, o mas magandang sabihin na pigil-pigil ko ang sariling hininga. Ewan ko, may nabubuo naman ng conclusion sa utak ko ngunit ayokong i-spoil.
Ayokong isipin pa lalo, ayokong bigyan ng dahilan
