Hindi pa man ako nagtatagal sa Coffee Brew Project ay magre-resign na kaagad ako. Nakakalungkot lang, pero iniisip ko na para rin naman ito sa akin. Kailangan kong magpakalayu-layo sa lahat nang may kinalaman kay Melvin Dela Vega.
Kailangan ko ng oras at panahon para sa sarili ko, kailangan kong hilumin ang puso kong sugatan. Iyong bang sa kanta ni Yeng— ako muna. At the same time ay makalimot, kahit hindi na iyong mismong taong dahilan kung bakit ako nasasaktan ngayon.
Kung 'di iyong mismong alaala na mayroon kaming dalawa, kasi sa totoo lang ay iyon ang mas masakit. Doble iyong sakit sa puso ko sa tuwing naalala ko iyong masasayang nangyari sa amin ni Melvin.
Isa pa, ayokong dalhin sa pagtanda ko iyong reyalisasyon na minahal ko si Melvin. Gusto ko balang-araw kapag naiisip ko siya, i
