Dere-deretsong umalis si Melvin sa pwesto namin kanina nang walang lingun-lingon. Nakapamulsa lang nitong tinatahak ang daan palabas ng sementeryo habang nakatungo ang ulo, rason din iyon upang bumagsak ang balikat ko.
Literal na nawalan ako ng ganang ipagpatuloy pa ang kasiyahang nararamdaman ko sa nangyari. May mali ba? Wala naman akong nasabing hindi maganda 'di ba? Masyado ba akong maharot?
Ayaw niya ba iyon? Wala sa sariling umawang ang labi ko para roon bumuga ng hangin. Teka, nagseselos ba siya? Nagseselos ba ito dahil ako ang pinuntahan ni Marvin at hindi siya? Sa naisip ay malakas kong inalog ang ulo.
"Hindi mo ba siya susundan?" maang na pagtatanong ni Marvin dahilan para tingalain ko ito mula sa gilid ko.
"Ikaw?" balik tanong ko rito, siya namang pagkunot ng noo niya.
"Baki
