Nababaliw na siguro ang babaeng nagsabi ng mga katagang 'yon. Mas lalong naningkit ang mga mata ni Esma sa babaeng nakatayo pa rin sa labas ng mansyon. Nanatili ring nakatayo sa entrada ng mansyon ang amo niya na mukhang walang balak na papasukin ang babaeng nakabilad sa araw.
Lihim siyang napabuntong-hinga. Hindi na talaga niya alam kung bakit ---
"Esma. Call Andrie."
Tumango siya at mabilis na humakbang palayo ng entrada. Ayaw niyang maipit sa gulong pinasok ng estrangherang babae. Umakyat siya sa itaas ng hagdan. Hindi nagtagal ay nahanap niya sa itaas ang kuwarto ng anak ng amo niya.
Si Andrie Clasiso.
Mabuti na itong amo niyang si Andrie dahil hindi naman ito nagsusungit sa kaniya. Kumatok siya sa nakasarang pinto. Ilang minuto siyang naghintay bago bumukas ang pinto. Niluwa niy
