Tirik ang araw. Umibis mula sa police patrol car si Azora. Nakasuot pa rin ang babae ng puting bestida at maputla ang balat, na tipong hindi nasinagan nang ilang araw. Mataman itong tinitigan ng dalawang police na kakaibis lang din ng police car.
Lumapit kay Azora si Terano, ang police na unang nakakita sa babae nang hatinggabi. Umikhim siya. "Miss, may kailangan ba sa loob? Bawal mag-trespass." Tiningala niya saglit ang malaking mansyon ng mga Clasiso sa loob ng mataas na gate. "Mukhang malaking bahay ang papasukan mo. Kailangan mong humingi ng permiso sa may-ari ng bahay."
Napalunok si Terano at napatingin sa kasamahan niya na namumutla na rin. Hindi niya kasi inasahang ganito karangya ang bahay na hinahanap ng babae. Hindi siya mangmang para hindi mapagtantong malaking pamilya ang mg
