Ayumi
"Huy, nakikinig ka ba, bes?" pukaw sa'kin ni Coleen.
"Ha?" wala sa sariling napalingon ako kay Coleen.
"Sabi ko, ba't nga pala hindi ka nagpo-post ng mga pictures niyo ni Darren sa social media?"
"Hello, wala pang umaamin sa kanila tungkol sa relasyon nilang dalawa," sagot naman ni Hannah.
"Ba't kasi hindi niyo pa aminin. Eh, obvious na obvious na naman na may relasyon na kayo," ani Coleen.
Nandito kami ngayon sa isang kilalang resort sa Cavite. Miss na kasi namin ang isa't isa kaya naman nag-set kami ng date para magkita-kita. Saka para makapag-unwind na rin. Pare-parehas kasi kami ng mga kaibigan ko na busy sa kani-kaniyang career.
"Hindi pa namin pwedeng aminin sa publiko ang relasyon namin ni Darren. Makakaapekto kasi iyon sa career niya. At saka alam niyo namang marami si
