Ayumi
Mahigit tatlong buwan din ang itinagal ng pelikulang Beautiful Stranger, kung saan nakatrabaho ko si Georgina Ortega. Ang ex ni Darren.
Maayos naman ang pakikitungo niya sa'kin. Though, hindi naman kami naging close ni Georgina sa loob ng mahigit na tatlong buwan na pagsasama namin sa isang pelikula.
Ngunit kahit papaano ay ngumingiti naman ito sa'kin. At maayos itong makitungo sa kaniyang mga co-star. Kung minsan ay kinakausap niya rin ako pero saglit lang.
Mahilig din siyang magdala ng pagkaen sa set. Ipinapamahagi niya iyon sa lahat. Pati sa mga staff and crew. Kaya naman tuwang-tuwa sa kaniya ang mga crew dahil nakakalibre sila minsan ng lunch at meryenda dahil kay Georgina. Binubusog niya kaming lahat. Ilang beses siyang nag-order ng lechon.
Ngayon ang press conference ng p
