NAG-ANGAT ng mukha si Sirak nang marinig niya ang pagbukas ng pinto sa kuwarto nila ni Uran. Nakita niya ang binata na papasok na. Kaagad siyang tumayo sa kaniyang puwesto at nagmamadaling sinalubong niya ito ng mahigpit na yakap.
“S-sinta!” ibinaon niya sa leeg nito ang kaniyang mukha at doon ay muling napaluha.
“Shhh!” anang Uran habang mahigpit ang pagkakayakap sa kaniya. Banayad ding humahaplos ang palad nito sa kaniyang likod.
“A-ayaw... ayaw pa rin ni papa na pumayag.” Lumuluhang saad niya. “Kinausap ko siya. P-pero... pero hindi na magbabago ang isipan niya Uran.”
Masuyo siyang inilayo ni Uran mula rito. Ikinulong nito sa mga palad nito ang kaniyang mukha at masuyong pinunasan ang kaniyang mga luha roon. Hinalikan din nito ang kaniyang noo.
“Galing na rin ako sa opisina niy
