"Ang aking unang ipapakilala ay si Prinsipe Siero ng Kaharian ng Zewona. Panganay na anak nina Haring Ferum at Reyna Amorya— ang siyang magiging susunod na hari ng Kaharian ng Zewona," panimula ni Diviri.
Ang tinutukoy niya ay ang lalakeng may sabi sa 'kin kanina na binalak akong lasunin ni Prinsesa Farrah. Kung titingnan mas matanda siyang tingnan kaysa sa akin. Nakikita kong bagay nga sa kanya ang maging isang hari. Sa paraan pa lang ng kanyang pananalita na namana niya 'ata kay Reyna Amorya, masasabi mong kayang-kaya niyang pamunuan ang buong Kaharian ng Zewona.
"Isa siya sa magaling gumamit aa kapangyarihan ng inyong simbolo. Mabuti na lamang ay nakaligtas siya sa sumpa. Bagaman at wala na siyang kakayahang gamitin ang kapangyarihan ng simbolo ng araw, hindi iyon nakabawas sa kanyang
