Kumalat ang balitang patay na si Luke sa buong bansa, ang isang leader ng notorious drug dealer ng isang gang sa Pilipinas. Agad siyang inilibing para mawala agad ang issue at bali-balita tungkol sa kan’ya. Kapag kasi pahahabain pa ang paglamay ay maraming mga taong babatikos dito, mas mabuting wala na silang mabalitaan tungkol kay Luke na ngayon ay nasa kabilang buhay. Si Isagani na namatay rin kaya nabaliw si Nicolai at napunta sa mental hospital.
Ilang linggo at buwan ang nakalipas, lumalaki na rin ang tiyan ni Nathalie, ngayon ay kabuwanan niya na’t hinihintay na lang ang paglabas ng kanilang baby girl. Si Sabel naman ay sa susunod pa na buwan. Parehong lalaki ang anak ni Sabel gano’n din ang kay Nicolai. Oo, buntis si Nicolai at si Isagani ang ama, ngayon ay may kapatid na si Ava.
