"Ang ganda mo."
Luhh!
Nag-init ang mukha ko.
Ang ganda ko raw!
Pinuri niya ako? Parang ang hirap paniwalaan ha. Akala ko kasi puro ng panlalait ang laman ng bibig niya. Marunong din pala siyang mag-appreciate ng ganda.
***
PANAY ang sulyap ko sa katabing si Renzi sa harap ng hapagkainan. Mukhang puyat siya at parang Byernes Santo ang mukha habang tinusok-tusok ng tinidor ang kaniyang Sunnyside-up egg. Hindi ba siya nakatulog kanina kahit kunti?
"Hoy, huwag mong paglaruan 'yang itlog mo. Baka pumutok 'yong dilaw!" saway ko sa kaniya.
Natigilan siya at tiningnan ako.
Ayan na naman ang tinginan niyang judgemental!
Sabay kaming napabaling kay tita Alvira nang bigla na lamang itong humagalpak ng tawa.
"Oh my, Dimples! You're so funny! Haha! Renz, baby, huwag mo raw paglaruan ang eg
