Pagkatapos ng seremonya ay isa-isa nang nagsiuwian ang mga tao. Mayroong mga natira na sinusulit ang oras para makasama ang mga kaibigan nila katulad namin. Bago kami magkani-kaniya ng uwi ay nagpa-picture muna kaming apat.
"Gagawin kong four copies ito para tig-iisa tayo!" ani Suze.
Nang maghiwa-hiwalay na kami ay saka naman lumapit si Tito Ricky.
"Uuwi ka na ba, Dim?"
"T-tito... Ahm, oo."
"Doon ka pa rin ba nag-i-stay sa condo na binigay sa iyo ni Ryushi?"
"Opo, tito."
"Good. Mas safe doon. Hatid na kita."
Hindi na rin ako tumanggi. Kompyansa ako at komportable kapag kasama si Tito Ricky.
Pagkasampa namin sa sasakyan niya ay may bigla siyang inabot sa akin na isang envelope.
"Ano po ito?"
"Regalo ko sa iyo."
Binuksan ko naman kaagad. A certificate of full scholarship!
Namil
