***
"Hindi siya ang papa mo."
Sa sandaling iyon ay umaasa akong sasabihin ni mama na si Ryushi na nga ang ama ko. Totoo nga talaga ang kasabihan, expectation is the root of all heartache.
Tila binagsakan ako ng langit at ang pag-asa sa dibdib ko ay biglang nilipad ng hangin.
Sabik na sabik ako sa isang ama mula pa man noon at hanggang ngayon ay patuloy akong binibigo ni mama. Hanggang kailan niya itatago ang katotohanan tungkol sa tunay kong ama?
Naikuyom kong muli ang palad ko at hinarap si mama.
"Kung hindi siya ang papa ko, hiwalayan mo siya, mama!"
Pareho silang nagulat sa sinabi ko.
"Kapag hindi mo siya hiniwalayan, hindi na ako magpapakita sa inyo!"
Bumalot sa mukha ni mama ang takot at mabilis siyang lumapit sa akin sabay hawak sa braso ko.
"Dimples! Please, huwag mong s
