Paano ba kita mapapaamo, Contessa?
Lahat na yata ng taktika niya sablay. Hindi umuubra kay Contessa ang husay niya. Mas nanaisin pa siguro nitong kumain na kasama ang maid. Ganito pala ang pakiramdam ng balewalain. Napatingin siya sa mga pagkaing nakahain. He remembered all those home-cooked meals that Contessa used to make for him before.
Kumawala ang malalim na buntong-hininga sa lalamunan niya.
Nawalan na rin naman siya ng gana, iniusog niya ang plato at tumayo.
“Manang, pakiligpit na lang ho ng mga ito.”
Nagmamadali naman sa paglapit si Manang Cleo. “'Yong bisita ninyo ho, Sir?”
“Dadalhan ko na lang ng pagkain.”
It would be a risk, pero susubukan niya. Kanina pa sila sa daan at wala pang sapat na kinakain si Contessa.
"Dito ho ba kayo matutulog, Sir?”
Gustuhin man niya kung
