Simula ng gabing iyon, hindi na napapadpad si Rafael sa bahay nito. Ilang araw din itong hindi nagpakita. Ayaw niyang tanggapin pero nami-miss niya ito. gusto niyang magtanong kay Manang Cleo pero nagpigil siya. Sa mga araw na wala ito, buhos na buhos naman ang buong atensyon niya sa training. Pero may mga pagkakataon talaga na bigla na lang siyang natitigilan at napapatingin sa labas ng kusina. Kapag may dumarating, napapasilip siya sa bintana. Only to find out na kung hindi man si PJ ang dumarating, delivery boy ng kung anu-anong inoorder nito para sa bahay.
“Hindi ho ba ninyo nami-miss ang mamalengke, Manang?”
Parang napapaisip si Manang. Napahinto pa ito sa pagsalansan sa ref ng mga nahugasan ng gulay. “Nami-miss din naman, pero paminsan-minsan naman, ako mismo ang humihiling kay Si
