Flowers and well-prepared breakfast, ang nabungaran ng mga mata niya kinabukasan. Nakaalis na pala si Rafael. Rafael is making up to her.
Dinampot niya ang bouquet at dinala sa kandungan. Ang ganda ng bulaklak pero hindi buo ang saya na nararamdaman niya. Kahit anong assurance ang ibigay ni Rafael, nangingibabaw pa rin ang kaba.
Naagaw ng kumikinang na singsing sa daliri niya ang pansin.
‘Kumapit ka lang, Contessa.’
Bibigyan niya ng benefit of the doubt si Rafael.
Umahon siya sa kama, naligo at nagbihis at bumaba. Ang mga agam-agam ay idinaan niya sa pagluluto. Mabisang pampawala ng stress. ‘Di niya namalayang naparami masyado ang niluluto niya. Problema niya tuloy kung sino ang kakain.
“Dadalhin ko sa opisina.”
Sabi naman ni Rafael, pwede siyang pumunta sa office nito anumang oras
