Gabing-gabi na nang umuwi si Rafael. Amoy alak pa ng bahagya. Humalo iyon sa buga ng aircon at cologne na gamit nito. Nagkunwa siyang tulog at mariing ipinikit ang mga mata. Hangga’t maaari, ayaw niya ng komprontasyon at baka lang siya mauwi sa pag-iyak. Nagsisimula pa lang silang muli pero pakiramdam niya binabagyo na ang pagkatao niya.
Nauliningan niya ang pagpasok nito sa banyo at ilang saglit pa ay tumabi sa kanya. Lumundo ang kamang kinahihimlayan niya at naramdaman ang pagdantay ng braso nito sa kanyang katawan.
“Hi, Love!”
Lumalambing ang gago. Pambawi ng kataksilan. Naramdaman niya na lang ang pagdampi ng bibig nito sa batok kanyang. He planted wet kisses on her skin at naroroong tila sinisinghot ang kanyang natural scent. Awtomatikong ginapangan siya ng kakaibang kilabot sa kat
