Nagpaalam na ako kay Cheena nang makarga na lahat ng gamit ko sa aking kotse. Ano kaya ang magiging reaksyon nila Mommy at Daddy kapag nalaman nila ang sakit ko? Nagdadalawang isip man ay mas pinili ko na tumungo papunta sa bahay namin. Kumakabog ang aking dibdib habang papalapit na ako ng papalapit.
Tanaw ko na ang sasakyan ni Daddy kaya huminga muna ako ng malalim at pinarada na ang aking sasakyan sa harap ng bahay namin. Nang marinig nila ang makina ng kotse ko agad naman silang lumabas ni Daddy. Nakangiti ang mga ito, kita sa mga mata nila ang pagkamiss sa akin. Ako rin naman ay miss na miss rin sila.
"Anak! Mabuti naman at naisipan mong bisitahin kami," salubong agad ni Mommy sa akin.
Ngumiti lang ako sabay niyakap si Mommy ng napakahigpit.
"Anak Nathalie, may problema ba?" Tanong
