Rinig na rinig ni Nia ang banayad na pagtibok ng puso ni Rava na animo'y naghahalina sa kanyang pakinggan pa ito. Sa pagbalot ng mga bisig ng binata sa kanyang mga braso ay naramdaman nito ang init na nagkalma sa kanyang pusong nagulat sa ginawa ni Rava.
Batid ni Nia na totoo ito sa sinabing nais niyang mahalin ang dalaga. Ngunit alam din ni Nia na naghihintay si Fuyo sa binata sa kabila ng pagtanggi nito sa kanya. Hindi maatim ni Nia na kung si Rava man ang pipiliin niya ay magreresulta lamang iyon ng pagkawasak ng puso ni Fuyo.
Hindi pa buo ang desisyon ni Nia sa kung sino ang kanyang pipiliin. Inaamin niya sa sarili na naguguluhan siya sa dalawa. Tuon man ang atensyon niya sa kanyang misyon bilang tagapangala ni Basakara ay kalakip ng kanyang pagtatagumpay ang pagpili niya ng makakat
