Sinubsob ni Almira ang kanyang mukha sa dalawang palad upang doon humagulgol. Hindi niya maatim na maikasal para lamang ipangbayad sa utang ng kanilang bayan. Responsibilidad man niyang magpakasal upang mapagtibay ang koneksyon ng kanilang bayan sa Daes ngunit hindi sa isang lalaking tatlong ulit ang tanda sa kanya.
Pinagmasdan ni Leo ang dalaga na walang tigil sa pag iyak. Makulit man si Almira ay alam naman niyang mabait ito at naging maganda ang kanilang pagkakaibigan sa mga lumipas na taon.
Nilapitan niya ito at hinawakan ang ulo. "Tahan na. Bukas na lang natin pag usapan ito. Magpahinga ka na."
Hinatid ni Leo si Almira sa bahay na pansamantala niyang tinutuluyan. Iyon ang bahay ng matanda na una ng nag alok kina Nia ng matutuluyan. Tulog na tulog na ang matanda na lango sa alak d
