PANAY ang sulyap ni Mary kay Duke hanggang sa matapos silang kumain. Nagpaalam itong maghahanda na sa pag-alis kaya binuntunan niya ito paakyat sa silid.
Kunot ang noong binalingan siya ni Duke nang makitang maupo siya sa kama.
Matamis na nginitian ni Mary ang binata. “What time will you be home?”
“Depende kung anong oras matatapos ang meeting.” Tugon nitong naglakad papasok sa loob walk in closet. “But I’ll try to make on dinner time.”
Paglabas nito ay nakasuot na ng puting long sleeve polo na nakatupi hanggang siko at itim na pantalong maong.
Tumayo si Mary at naglakad palapit rito. Tumingkayad siya para ayusin ang kwelyo nito. “Hihintayin kita. Hindi ako kakain na hindi kita kasabay.”
Matiim ang titig sa mukha niya na tumaas ang kamay nito para haplusin ang kaniyang pisngi. “I
