Third Person
Masayang nagkukwentuhan sila Iris ng matapos ang kanilang meryenda. Nakaramdam siya ng panunubig kaya naman nag-excuse siya sa mga kasamahan at nagpunta sa restroom. “Hi Elise.” ang bati niya sa kasamahan pagkapasok niya at makitang nasa harapan ito ng salamin. Ito ang pumalit sa dating trabahong iniwanan ni Marco matapos itong mapromote.
“Hi,” ang bati naman nito na parang wala lang at hindi na pinansin ni Iris. May pakiramdam siya na ayaw sa kanya ng babae dahil ni minsan ay hindi ito nagsimula ng kahit na anong conversation nila. Kagaya na lang ng snack nila ngayon, hindi ito nakisali sa kanila dahil may pagkain naman daw siya. Hindi na nia pinilit dahil ayaw niyang isipin nito na masyado siyang nagmamagaling. Inisip na lang niya na naaalangan ito dahil nga sa baguhan pa
