NASA Gateway si Maxene nang mga oras na iyon, sa perfumery section ng mall nang matanaw ang isang pamilyar na buntis na babaeng tumitingin rin ng pabango.
“Alaine, is that you?!”
Nang lumingon ang babae ay mabilis rin itong napangiti. Niyakap siya at bumeso. “My God, Maxene, how have you been?”
“I’m fine. Ikaw, kumusta ka na? At…may asawa ka na pala…”
Alanganing ngumiti si Alaine. “Buntis oo, pero may asawa? Wrong guess, my dear.”
Napahiya siya para rito kaya hindi na lang siya kumibo. Niyaya niya si Alaine na mag-usap silang saglit at pumayag naman ito. Sa isang coffee shop sila humantong. Umorder siya ng cappuccino frappe at blueberry cheesecake samantalang banoffee pie at iced tea naman ang kinuha nito.
