KAY Yaya Metring ibinuhos ni Maxene ang lahat ng hinanakit niya kay Daniel.
“He’s so unfair, Yaya. Napakasakim niya!”
“Anak, bakit hindi kayo mag-usap nang maayos? Baka may maganda siyang paliwanag sa lahat ng iyon.”
Ang bilis ng naging pag-iling niya. “Wala siyang paliwanag na tatanggapin ko, Yaya! Iniwan niya akong parang basahan! Ganoon lang ba kababaw ang relasyon namin para sa kanya at basta na lang niya ako iniwan nang walang paliwanag?”
“Anak,” anito sabay haplos sa likuran niya. “Alam kong mahal ka ni Daniel noon. Naniniwala ako sa kanya. Nakita ko kasi sa mga mata niya ang pagmamahal na iyon. Kung ano man ang naging dahilan at iniwan ka niya, alam kong para iyon sa’yo.”
“No, Yaya. Imposible. Sana’y sinabi niya iyon s
