NAGPASYA si Mirabella na tumulong sa paglilinis ng mansyon kinaumagahan. Kasama niya si Kora at iba pang babaeng kasambahay. Araw ng sabado at araw ng general clean up sa mansyon. Iyon din ang araw na aalis na si Roxanne at uuwi na sa Iloilo. Nakabalik na si Kora sa paninilbihan sa mansyon at dahil iyon kay Roxanne. Nakalabas na rin si Gabby sa kulungan at bumalik sa La Carlota. Binigyan lamang ito ni Francis ng sahod nito mula sa panggapas ng tubo at kahit na galit pa rin ito kay Gabby ay sinabi nitong matutupad ang ipinangako nitong babuyan para sa mga tauhan sa La Carlota. Naiintindihan naman ni Gabby iyon at labis ang pagpapasalamat sa amo sa kabaitan nito. Masaya rin si Bella dahil nakalaya ang kaibigan niya. Ngunit hindi pa rin siya pinatatahimik ng kaniyang pagdududa. Kahit gusto n
