LYKA
Putol ang text niya kaya hindi ko alam kung ano ba ang ibig niyang sabihin. Tumingin ako ulit sa labas. Nakatambay pa rin siya sa motor niya at nakatingin siya sa akin.
Tumalikod na ako para sana pumunta sa tabi ng anak ko ng may narinig ako na malakas na kalabog mula sa labas. Kaya mabilis akong lumingon.
Nakita ng dalawang mata ko kung paano tumalsik si Brixon. Nakatulala lang ako at hindi ko alam ang gagawin ko. Nanginginig ako sa takot. Napalingon ako sa may pinto dahil kumakatok.
“Ate, si kuya.” umiiyak na sabi sa akin ni Yen.
Hindi ako sumagot at nakatingin lang ako sa kanya.
“Ate, Ate si Kuya.” umiiyak na sabi sa akin ni Yen.
“Tumawag na ba kayo ng ambulansya?” tanong ko sa kanya.
“Wala kana ba talagang pakialam sa kanya? Sana hindi mo ito pagsisihan, ate.” sabi niya sa
